ဝင်းနှင့်ဇော် အသက်ရှင်ခွင့်ရရေး ကူညီပေးရန် ထိုင်းလူ့အခွင့်အရေးကော်မရှင်ထံ မေတ္တာရပ်ခံ

ဝင်းနှင့်ဇော် အသက်ရှင်ခွင့်ရရေး ကူညီပေးရန် ထိုင်းလူ့အခွင့်အရေးကော်မရှင်ထံ မေတ္တာရပ်ခံ

ထိုင်းနိုင်ငံမှာ သေဒဏ်ကျခံထားရတဲ့ မြန်မာနှစ်ယောက် အသက်ရှင်ခွင့်ရရေးအတွက် လူ့အခွင့်အရေးရှုထောင့်က ကူညီပေးဖို့ ထိုင်းအမျိုးသားလူ့အခွင့်အရေးကော်မရှင်ကို မြန်မာ လူ့အခွင့်အရေးကော်မရှင်က မေတ္တာရပ်ခံလိုက်ပါတယ်။

ဒါဟာ ၃ ကြိမ်မြောက် မေတ္တာရပ်ခံတာဖြစ်ပြီး ၂၀၁၄ အောက်တိုဘာနဲ့ ၂၀၁၅ ဒီဇင်ဘာတုန်းကလည်း မျှမျှတတ တရားစီရင်ခွင့်ရဖို့၊ ညှဉ်းပန်းနှိပ်စက်တာမလုပ်ဖို့၊ တရားစီရင်ရာမှာ မကြန့်ကြာဖို့၊ မိသားစုနဲ့ တွေ့ဆုံခွင့်ရဖို့၊ ဥပဒေရဲ့ ကာကွယ်စောင့်ရှောက်တာကို ခွဲခြားဆက်ဆံမခံရဘဲရဖို့နဲ့ သူတို့ရဲ့ အသက်ရှင်သန်ပိုင်ခွင့်အတွက် ကူညီဆောင်ရွက်ပေးဖို့ မေတ္တာရပ်ခံခဲ့ပါသေးတယ်။

အဲဒီတုန်းကလည်း ထိုင်းနိုင်ငံ အမျိုးသားလူ့အခွင့်အရေးကော်မရှင်က အတတ်နိုင်ဆုံး ပူးပေါင်းဆောင်ရွက်ခဲ့တယ်လို့ မြန်မာနိုင်ငံ အမျိုးသားလူ့အခွင့်အရေးကော်မရှင်က ထုတ်ပြန်ထားပါတယ်။

မြန်မာ ရွှေ့ပြောင်းလုပ်သား ကိုဇော်လင်းနဲ့ ကိုဝင်းဇော်ထွန်းတို့နှစ်ယောက်ကို ဗြိတိန်နိုင်ငံသား နှစ်ယောက် အသတ်ခံရတာနဲ့ပတ်သက်ပြီး ၂၀၁၄ နှစ်ကုန်ပိုင်းမှာ ဖမ်းဆီးခံခဲ့ရတာပါ။

သူတို့ကို ၂၀၁၅ နှစ်ကုန်ပိုင်းမှာ သေဒဏ်ချမှတ်ထားပြီး နောက်ဆုံးအယူခံလည်း ရှုံးနိမ့် ထားတာကြောင့် ထိုင်းဘုရင်မင်းမြတ်ရဲ့ လွတ်ငြိမ်းခွင့်တခုပဲ ကျန်တော့တာ ဖြစ်ပါတယ်။ဒီအတွက် အစိုးရနဲ့ တပ်မတော်ကာကွယ်ရေး ဦးစီးချုပ်တို့ကလည်း သက်ဆိုင်ရာ တာဝန်ရှိသူတွေဆီ မေတ္တာရပ်ခံထားပါတယ်။